एकच होते हृदय मला...

कधीतरी एकदा असे काही घडले...                      

की मन हे माझे तुझ्यात जडले..

अन मी नकळत तुझ्या प्रेमात पडले..

प्रेमा पायी तुझ्या मी घरदार सोडले.. 

जीवन भर जपलेल्या नात्यांना तोडले..

साऱ्यांचे विश्वास काही क्षणात मोडले..

हृदयाच्या अश्रुंवर खोटे अंथरूण ओढले..

होते नव्हते मनात ते सर्व संशय काढले..

अन तू दिलेल्या वचनांच्या दारी चढले..

तू मात्र क्षणभरात सारेच काही मोडले...

असा वागलास जणू काही नाही घडले..

अन कुणा दुसरी साठी तू मला सोडले..

मग एक दिवस तू अचानक परत आलास.

म्हणालास "जुनं सारे काही विसरून जा..

परत एकदा माझ्या प्रेमात पडून पहा.."

मी तर परत तयार होऊन जाईल ही रे..

पण परत मन जडणार नाही त्याच काय..

कारण परत प्रेम करायला हृदय कुठाय..

एक संधी देण्यासाठी तू हातही जोडलेस..

पण एक गोष्ट तू पुरताच विसरून गेला..

एकच होते हृदय मला.. ते तूच तर तोडलेस..

                                            -वैभव.