एक कटू सत्य आहे, जगात एकटेच आलोय अन एकटेच जाणार
मध्येच कुणी आलं तर येईल कदाचित, आठवण देऊन जाणार
आठवण… आठवण अशी की जी जन्मभराला साठवण होऊन जाणार
साठवण … कदाचित प्रेमाच्या आठवणींची साठवण.
प्रेम… प्रेम काय असतं मला माहीत नाही. प्रेम मी कधी केलंच नाही
कारण मैत्रीपलीकडे, प्रेमापर्यंत आमचं प्रकरण कधी गेलंच नाही
अर्थात, तसं फक्त आम्हीच म्हणतो, आम्ही म्हणजे, मी अन माझं मन
"ती?" "ती" कोण ? ती आली, थांबली अन गेली, होतो फक्त आम्ही दोघे जण
मी अन माझं मन
प्रेम हा एक जुगार आहे,
जो जिंकला त्याला आणखीनच अमीर केलं. अन जो हरला,
त्यानं जो दाव लावला होता ते ही त्याच्या हातून गेलं
प्रेम… प्रेम काय असतं मला माहीत नाही प्रेम मी कधी केलंच नाही
मैत्रीपलीकडे, प्रेमापर्यंत आमचं प्रकरण कधी गेलंच नाही
अर्थात, तसं फक्त आम्हीच म्हणतो, आम्ही म्हणजे मी अन माझं मन
-- वैभव
