स्वप्नात पण तुझ्यावर प्रेम माझं जडतं.
पहाटे जाग येण्यापूर्वी स्वप्न तुझं पडतं
स्वप्नात मला तू अशी काही छळतेस
की दूर बसून नजरेशी लपंडाव खेळतेस
नजरेच्या खेळात मात्र माझीच हार होते
जेव्हा तुझी नजर माझ्या काळजापार होते
आरपार नजर होऊन हे काळीज ठार होते
अन अशी ही अवस्था माझी वारंवार होते
आता हे वरचेवर नेहमीच असं घडतं की
पहाटे जाग येण्यापूर्वी स्वप्न तुझं पडतं
तिकडेही रोज अलबत असंच काही घडतं
स्वप्नात पण तुझ्यावर प्रेम माझं जडतं.
-- वैभव
