आजही ती रुसली, म्हणाली "आज परत तू उशिरा आला"
"जराही तुला धीर नाही का?" म्हणत मीच वाद सुरु केला
रुसलेलं तिचं ते रूप बघताना मन हे माझं वाहून जातं
गोऱ्या पिवळ्या चेहऱ्यावरती फुगलेल्या गालांचा लाल रंग
गुलाबाच्या फुलाभोवती जणू कोमल पारीजातकाचा संग
रागावलीस कि गोड दिसतेस सांगाव तीला खूप असं वाटतं
पण चेहऱ्यावरचं रागीट रूप ते निघून जायला नकोसं वाटतं
बिनबुडाचे सगळे आरोप तीचे तरी उगीच त्यांना साद घालतो
फक्त रुसलेलं तीला बघावं म्हणूनच तीच्याशी वाद घालतो
-- वैभव
