कधी तरी असं पण घडेल
असं कधीच वाटलं नव्हतं.
मन कधी कुणासाठी एवढे झुरेल
असं कुणीच मनाला पटलं नव्हतं.
अशीही कधी अवस्था होईल
असं कधीच वाटलं नव्हतं.
डोळे बरेचदा पाणावले होते पण
हृदयात कधी पाणी साठलं नव्हतं.
कधी एकदा असाही प्रसंग येईल
असं कधीच वाटलं नव्हतं.
लाखोंच्या विरोधातही हात घट्ट पकडून ठेवणार
असं कुणीच आजवर भेटलं नव्हतं.
मी ही प्रेमात पडेल कधी कुणाच्या
असं कधीच वाटलं नव्हतं.
कारण इतक्या प्रेमाने स्वतःच्या कुशीत
कधीच, कुणीच गाठलं नव्हतं.
कारण "प्रेम करतो" असे बरेच म्हणाले होते
पण कधीच, काहीच वाटलं नव्हतं.
पण थेट मनाची साद येईल इतक्या आपुलकीने
कधीच, कुणीच म्हटलं नव्हतं.
--वैभव
No comments:
Post a Comment